Sortie de résidence : « D'ici Dense »

PRÉSENTATION

INFORMATIONS PRATIQUES

Lo projècte D'Ici Dense es nascut d'un rencontre entre Anaïs Vaillant, antropològa desrasigada e del musician breton Gurvant Le Gac : d'una reflexion a doas voses diferenciadas dins lor experiéncia, d'un sentiment comun fàcia al moviment global d'una colonizacion de las culturas, dels paisatges e de l'intime pel capitalisme.

D'ici Dense, creacion musicala en duò, tissa entre eles los materials, escriches, experiéncias e racontes collectats al long del procediment creatiu per sos dos actors. Aqueles posan torn a torn, dins la poesia (René Char, Rotlant Pecot, Janluc Sauvaigo, Paol Keineg...), lor practica de las sciéncias umanas e de materials de cèrca tan coma dins la consultacion e la constitucion de collèctas sonoras, lo tot, per fin de crear un espaci collectiu de contemplacion de paisatges, ne desvelar aital lor parta colonizada e confrontar lors experiéncia de l'Aquí.

D'ici Dense es l'espaci ont las musicas e las lengas refusant lor pròpria desagregacion pel partatge, la transmission e lor mesa en abisme (cançons tradicionalas d'Occitània e de Bretanha, flaütas, percussions e magnetofòn).

Lo divendres 25/09, los dos artistas vos convidan a venir e participar a aquela novèla creacion ibrida. Una forma de velhada pendent la quala l'antropològa e lo musician partatjan als espectators lors cèrcas e lecturas per crear un espaci-temps dissident, fòra de las normas, politica e poetica.